هرم مصر - وقال عمرو مصطفى عبر حسابه الشخصية على الفيس بوك: اليوم عرفت معلومة كان لازم أوصل لها لزملائي المؤلفين والملحنين، أي عقد مكتوب فيه لمدة الحماية القانونية، يعتبر باطل، لأن القانون يشترط إن العقد يكون محدد المدة، لكن للأسف من سنة 1999 استغلوا جهلنا وخلونا نمضي على عقود بالطريقة دي، والنتيجة إننا اتسلبت حقوقنا وأولادنا من بعدنا، أنا بقول الكلام ده مش مجرد معلومة لكن كواجب عليّا كزميل، ولازم نتحرك مع بعض وبشكل جماعي لإبطال التنازلات دي واسترداد حقوقنا، النهارده قبل بكرة، الإبداع مش للبيع.

وتابع عمرو مصطفى: اتشرفت اليوم أنا وزملائي بلقاء الدكتور هشام عزمي، رئيس الجهاز المصري للملكية الفكرية، وكان النقاش كله منصب على حماية حقوق المؤلفين والملحنين وصون الإبداع المصري، اللي شفناه النهارده بيأكد أننا أمام عصر جديد في مصر لحماية الملكية الفكرية.

وأضاف: نصيحتي لإخواتي وزملائي المؤلفين والملحنين، انتظروا أسبوع أو اتنين قبل أي خطوة جديدة في التسجيل أو التوقيع، عشان نضمن إن كل الإجراءات بتخدم مصلحتنا وتحفظ حقوقنا بشكل كامل، بالتعاون ده، إحنا داخلين على مرحلة جديدة هيكون فيها تقديم لكل المبدعين المصريين.

يمكنك مشاركة الخبر علي صفحات التواصل