أعربت المطربة الشعبية رحمة محسن، على الانتقادات التي وجهت للفنانين الذين يوصون بحذف أغانيهم بعد وفاتهم، للتقليل من ذنوبهم بعد الوفاة.
وكتبت رحمة محسن، عبر حسابها بموقع «فيسبوك»: «ربوا نفسكم الأول بدل ما انتم جالسين تزايدوا علي علاقه الفنانين بربنا، المسلم من سَلِم الناس من لسانه ويده، كفايه كلام زي السم وبطلوا إدعاءات ومثالية كدابة لو عندك حاجه حلوة حطها في نفسك الأول.. أعوذ بالله».
آخر أعمال المطربة الشعبية رحمة محسن
تستعد الفنان رحمة محسن، لطرح أجدد أعمالها بعنوان «حزن مغلي»، وذلك بعد نجاحها الجماهيري الذي حققته من خلال أغنيتها «حفلة تنكرية» التي طرحت لأول مرة خلال أحد حلقات مسلسل فهد البطل الذي عرض في رمضان 2025.
وروجت رحمة محسن، لأغنيتها «حزن مغلي»، وكتبت عبر حسابها بموقع تبادل الصور والفيديوهات«إنستجرام»: «صباح الخير يا حبايبي.. رحومة بتعملكم حِزن مغلي.. إللي مجروح ومدبوح ومتخان ومتهان ومخدوغ ومصفوع.. ما يسمعش غنوتنا الجديدة».
تفاصيل أغنية حفلة تنكرية
أغنية «حفلة تنكرية» لـ رحمة محسن من كلمات ملاك عادل، ألحان مصطفى العسال، توزيع إسلام ساسو.
وجاءت كلمات أغنية «حفلة تنكرية» كالآتي:
«يا عين يا ليل يا
ليل يا ليل يا عين ياليل
ناس مش أحلى حاجة
والحال مش مية مية
الدنيا بقت عباره عن حفلة تنكرية
وحفيت على حد سالك
ومالقيتش يا دنيا حد
والنفسيات تخوف
واللي جوه الناس يخض
وحفيت على حد سالك
ومالقيتش يا دنيا حد
دي النفسيات تخوف
واللي جوه الناس يخض
ده أنا الزمان ياما دغدغني
ده مضحي بيا ومستغني
لما ضحكت لي الأيام
سهتني علشان تلدغني
قولوا لي راحة البال فينها
الدنيا كترت أسافينها
والحزن عامل فيها شقيق
والفرح عامل من بنها
الدنيا عاملة
عامله معايا الغلط
عملت إيه في حياتي غلط؟
الدنيا عاملة معايا الغلط
عملت إيه؟
ده أنا الزمان ياما دغدغني
ده مضحي بيا ومستغني
ولما ضحكت لي الأيام
سهتني علشان تلدغني
قولوا لي راحة البال فينها
الدنيا كترت أسافينها
وهتيجي فرحة قلبي منين
والدنيا والناس دايسينها».
اقرأ أيضاً
رغم نجاحه في شباك التذاكر.. هاميلتون يحذر من إنتاج جزء ثانٍ لـ «فورمولا 1»«هل تعمدت ذلك؟».. أصالة تقتبس اسم أغنية لـ عمرو دياب في ألبومها الجديد
0 تعليق