علق الناقد الرياضي، خالد طلعت، على إساءة هاني شكري، عضو مجلس إدارة نادي الزمالك إلى جماهير الأهلي.

وكتب خالد طلعت عبر حسابه الشخصي بموقع فيسبوك: “أنا الأسوا بالنسبة لي من هاني شكري نفسه ، هما الزملكاوية اللي مساندينه ومبسوطين باللي قاله وبيدافعوا عنه وكمان منهم معروفين ومشاهير، هاني ممكن نلتمسله العذر ان الكلمة طلعت منه عفوية او انه مكانش عارف انه بيتصور لكن اللي بيدافعوا عنه ومبسوطين بيه دول معندهمش أي أعذار”.

وتابع: “احنا في يوم عرفه واحد من أفضل الأيام والمفروض نتقرب فيها من ربنا ونستغفر ونتوب وندعي مش نشتم ناس ونوافق على شتيمتهم، لما بتشتم شخص بتاخد ذنب ما بالك لما تشتم ملايين الاهلاوية هتاخد ملايين الذنوب ده غير ان الذنوب بتبقى مضاعفة كمان في الأيام المباركة ومنها أول 10 أيام من ذي الحجة”.

واختتم: "الناس الزملكاوية اللي فرحانين ومبسوطين بالشتيمة دي اكيد فيه ناس كتير في عائلاتهم وأسرهم وأصدقائهم أهلاوية كتير ، فانت كده الشتيمة دي رايحه لأخوك أو ابن خالتك أو صاحبك وفي الاخر اللي بتتشتم دي أمك أو خالتك أو أختك أو مراتك أو قريبتك استقيموا يرحمكم اللّٰه".

هاني شكري يسب جماهير الأهلي

وسب هاني شكري، عضو مجلس إدارة نادي الزمالك يسب جمهور النادي الأهلي، وذلك بعد طلب أحد المشجعين بالتصوير معه، عقب خروجه من عزاء والدة عمرو الجنايني، عضو لجنة التخطيط بالقلعة البيضاء.

وظهر هاني شكري، في الفيديو رفقة ممدوح عيد، رئيس نادي بيراميدز، وهو يسب جمهور النادي الأهلي بلفظ خارج، وذلك بعد حضوره عزاء والدة عمرو الجنايني، عضو لجنة التخطيط بنادي الزمالك.