التقت عدسة الفجر الفني بالفنانة هند عاكف في حفل ختام مهرجان القاهرة للسينما الفرنكوفونية المُقام في مكتبة مصر الجديدة، بحضور عدد كبير من نجوم الفن.
وتحدثت هند عاكف في حوار خاص لـ الفجر الفني عن رأيها في مهرجان القاهرة للسينما الفرنكوفونية، وعن رأيها بامتلاء دراما رمضان 2025 بالبطولات الشبابية، وآيضًا عن مسيرتها الفنية ومدى تطورها.
هند عاكف تشيد بتكريم ليلى علوي وشيري عادل في ختام المهرجان
قالت هند عاكف: "اولًا بشكر دكتور ياسر محب رئيس المهرجان على تعبه ودي الدورة الخامسة وإنها دورة ناجحة وتكريمه للنجمة ليلى علوي والنجمة شيري عادل النهارده في الختام".
وتابعت: "ليلى علوي دي معشوقة الجماهير ومعشوقة الوطن العربي والأوروبي مش مصر بس ولا الوطن العربي بس، والناس كلها بتعشقها وبتحبها وهتفضل طول عمرها قطة السينما المصرية، شيري عادل طبعًا جميلة، وهي من النجمات إلى حققوا نجاح كبير في خلال الفترة إلى فاتت وأحب اقولك الف مبرووك يا شيري التكريم وعقبال كل تكريم يا أجمل لولا في الدنيا".
أفكار جديدة وورش تقدمها المهرجانات الفنية
أما عن نشر المهرجان لثقافات مختلفة وأفكار جديدة قالت: "المهرجان بيقدم افكار مختلفة بناءًا على الأعمال إلى بتتعرض في المهرجان، وحاليًا أصبح هناك مهرجانات تقدم فعاليات وورش، لا أريد أن أتحدث على مهرجانات آخرى، ولكن هناك مهرجانات سواء سينمائية أو مسرحية بتقدم أفكار جديدة ودي أفكار مهمة جدًا لأن ده دور الفن المصري ومسؤوليه".
رأي هند عاكف في امتلاء دراما رمضان 2025 بالبطولات الشبابية
وعن امتلاء دراما رمضان 2025 بالبطولات الشبابية ونجاح أعمالهم قالت هند عاكف: "هو ده إلى احنا عايزينه يكون في دمج بين جيل الشباب وجيل الوسط وجيل إلى قبله، كما أن ذلك الدمج يعلم أشياء كثيرة بنتعلم أشياء قيمة وفنية ومبادئ، وده شيئ مهم جدًا".
هند عاكف تتحدث عن رجوعها للساحة الفنية وأغنيتها الجديدة
وعن مسيرتها الفنية ورجوعها للساحة الفنية قالت: "أنا رجعت للساحة الشغل ده قسمة ونصيب وده أرزاق من ربنا سبحانه وتعالى، احنا موجودين وانا رجعت للساحة ولو ربنا أراد أن هند تشتغل هتشتغل اكيد، مش زعلانة وبردو مش كل جيلي بيشتغل، والشغل ده رزق ويمكن أنا قدمت أغنية لفلسطين ودي أنا قدمتها كتضامن مع الشعب الفلسطيني، وقدمت برنامج قبل كدا في رمضان اسمه "لمسة وفاء حاكيات وذكريات مع هند عاكف" ده أنا حابه أقدمه البرنامج بيتناول الحياة الإيجابية والتعاون بين الزملاء ولا أتدخل في الحياة الشخصية".
وأضافت: "أنا حليًا بحضر أغنية مش هقدر أقول اسمها ايه لأن الأفكار ليها أجنحة والأغنية من تأليف أستاذ فضل الراوي، ألحان الأستاذ شريف سعد، توزيع كريم سعد كيشو، أغنية بتتكلم عن أماكن حيوية في مصر".
هند عاكف تتحدث عن التوازن بين الفن والعمل المدني
أما عن انشغالها بالعمل المدني ومجلس الشعب قد آخذها من التمثيل والسينما أجابت: "هو دلوقتي أنا متفرغة للفن والعمل الفني علشان عايزة ارجع تاني أستعيد اعمالي الفنية، وهو فعلًا بعدني كتير بس مش زعلانة، الحمدلله على قد ما قدرت خدمت الناس لما كنت متشوقة لمجلس الشعب وكنت بعمل ندوات ثقافية للشباب والمرآة ولذوي الهمم، وفي حاجات احنا كنا بنحاول نحققها في الوقت إلى قولتها فيه، فخامة الرئيس عيد الفتاح السيسي حققها، أنا مش ندمانة أتلبس زعلانة اني مكنش المفروض ابعد عن المجال الفني، كان المفروض أن أنا اعمل الاتنين مع بعض لكن مفكرتش في ده بصراحة للأسف وده إلى مضايقني ومزعلني من نفسي مش من حد، كان المفروض أكمل في مجال الفن بتاعي ونفي نفس الوقت اشتغل للخدمة المجتمع المدني تطوعًا زي ما كنت متطوعة ولخدمة بلدي بس كله بأمر الله".
0 تعليق