كشف الإعلامي أحمد حسام ميدو، لاعب نادي الزمالك السابق، عن أسباب خسارة النادي الأهلي ضد نادي بيراميدز، أمس، وتراجعت نتائج الفريق في الفترة الماضية تحت قيادة الإسباني خوسيه ريبيرو.

وغرّد ميدو، عبر حسابه على «إكس»: «فاز الفريق الأفضل في كل شيء.. بيراميدز امبارح كان واضح جدا إن دوافعه أكبر للفوز بالمباراة وده بيبينلك إن المشكلة الحقيقية في الأهلي مش المدرب بس، ولكن اللاعيبه مابتديش كل حاجه في الملعب لازم مسؤولين الأهلي يعرفوا إيه السبب ويتم تقييم الموقف بشكل علمي».

وأضاف ميدو: «ليه لاعيبة الأهلي مغلوبين واللي يتفرج على الماتش تحس إنهم بيلعبوا عادي إيه يعني لو اتغلبنا، وأنا بصراحة ما شوفتش الأهلي كده من سنين، ومايتمش اختزال مشكلة الفريق في المدرب فقط!! التوقف الدولي ليس في صالح الأهلي بل بالعكس لأنّ معظم لاعبي الأهلي دوليين، ولن يكونوا متاحين للعمل معا حتى لو تم تغيير المدرب!!».

وأوضح: «بيراميدز كسب الأهلي بأقل مجهود دي حقيقة والحقيقة الأكبر إنها جملة عمري ما كنت متخيل إني هقولها كده عادي، ومعظم جمهور الكورة في مصر هيوافقني عليها!!».

ميدو: الزخم الإعلامي حول الفريق مأثرة على الحالة الذهنية للاعبين

                              الأهلي وبيراميدز

وواصل ميدو تعليقه على تراجع مستوى النادي الأهلي، مشددًا: «الزخم الإعلامي حول الفريق والمشاكل الواضحة بين القائمين على الملف الإعلامي في الاهلي من اكثر الحاجات اللي مأثرة على الحالة الذهنية للاعبين.. محاولة مجاملة البعض على حساب البعض داخل الفريق ووجود أكثر من رأس حربة إعلامية تابع لمنظومة النادي واحده من أهم المشكلات التي يجب حلها في الأهلي وفي أسرع وقت ممكن والمهمة دي هتكون صعبة جدا خاصة أن من ستخسره الآن التاريخ يقول بإنه سيتحول لعدوك في أقل من 24 ساعة حتى لو لسه ليه مصلحة معاك!!».