قال الإعلامي أحمد شوبير، إنه لن يتم تغيير طاقم حكام مباراة الأهلي وبيراميدز، المقررة إقامتها عند تمام الساعة التاسعة مساء السبت المقبل، على ستاد السلام، ضمن منافسات الجولة الخامسة من الدوري المصري 2025-2026.

شوبير: بيراميدز سيعترض على حكم مباراة الأهلي بعد الإعلان الرسمي

وقال شوبير في تصريحات إذاعية عبر برنامج «مع شوبير»، المُذاع عبر «أون سبورت إف إم»: «كلام اتردد إن هيتم تغيير طاقم حكام مباراة الأهلي وبيراميدز بقيادة الإسباني خافيير روخاس.. بيراميدز مستني الإعلان الرسمي ويقولك حقي برقبتي، قالوا ده الحكم اللي جه الموسم قبل اللي فات وحسب كرة حسين الشحات ضربة جزاء وإحنا مش عاوزين الحكم وعاوزين حكام مصريين».

أضاف: «تم حجز التذاكر بالفعل خلاص للحكم ومن المنتظر إعلانه رسميا خلال ساعات من اتحاد الكرة، ومفيش تغيير.. الأهلي معندوش مشكلة في الحكم ولا جنسيته، أنا عاوز حكم أجنبي وخلاص».

الإسباني خافيير روخاس

وتابع شوبير: «مصدر داخل بيراميدز قال لنا إحنا مستنيين الإعلان الرسمي وبعدها مباشرة هنقدم اعتراض وعندنا ثقة كاملة في الحكام المصريين».

شوبير: موضوع حكم مباراة الأهلي وبيراميدز خلصان

وأتم شوبير: «إيه اللي هيحصل؟، اللي هيحصل إن الحكام هيجوا وهيحكموا، فالموضوع خلصان وقضي الأمر الذي فيه تستفتيان.. أنا بقولك واقع ومبحبش الكلام الزيادة واللف والدوران، أصل كل فريق هيعترض على حكم ويتم تغييره، مش هنخلص».